أنا عايزة من ده يا حزمبل ..
كل البنات نفسها يتقالها بحبك
كل البنات نفسها ف اليوم اللى تلاقى فيه
حد يهتم بيها و يقولها كلام حلو
بيبقى جوه كل واحدة مننا مشاعر جميلة
نفسنا نعبر عنها
و بيتملى القلب بمشاعر كتير
نفسك يبقى ليكى بيت و زوج
شخص يشاركك حياتك
آمالك و طموحات
أفرحك و أحزانك
و الحد ده ما ينفعش يكون ماماتك أو والدك أو صاحبتك أو أخوكى
الحد ده هو زوجك
نفسك تبقى أم
و يبقى عندك أولاد حلوين تلعبى بيهم
- أه ألعب بيهم مش غلطة مطبعية و لا حاجة -
و لما بتشوفى واحدة قريبتك أو زميلتك بتتخطب او بتتزوج
بيبقى نفسك تكونى زيها
و تلاقى نصك التانى
معلش اصبرى
خير ان شاء الله
كل تأخيرة و فيها خيرة
رزقك و مكتوبلك و حيجيلك ف ميعاده
ما تفكريش ف أسباب
أنتى ليه ما اتخطبتيش لحد دلوقتى
أصل أنا مش حلوة كفاية
أصل ماما مالهاش أصحاب
أصل بابا بيحبكها مع اى حد يتقدم
أصل اللى بيتقدموا مش مناسبين
أصل الجيران ما فهمش حد ينفع
ما تقوليش فلانة انا أحلى منها و اتخطبت و أنا لأ
و لا علانة بتلبس و تتمكيج و انا اللى ملتزمة لسه ما اتخطبتش
و لا جارتى اللى كانت بتكلم أى حد يقرب منها عشان يتعرف عليها لحد ما اتخطبت
مالكيش دعوة بحد
خليكى ف نفسك
و اثبتى ع مبادئك
كل ديه أرزاق
و رزقك حيجيلك لحد عندك
و لو كنتى ف جزيرة ف وسط البحر
ما فيش ف ايديك غير الدعاء لربنا و هو اللى بايده رزقك
هو وحده اللى يقدر يديكى
يمكن ربنا عايز يسمع صوتك بالليل و انتى بتدعيه
يمكن فيه ذنب محتاجة انك تستغفرى منه
صدقينى عمر ما اللبس و لا المكياج
و لا المياصة ف الكلام مع اى حد حتجيبلك العريس
و اللى يجيى من الطريق ده يبقى انسان مش كويس أصلا
و اللى مش حترضى ربنا
ربنا مش حيرضى عنها
و مش حترتاح بعد كده أبدا طول ما ربنا مش راضى
ما تشغليش بالك
و عيشى حياتك عادى
و استمتعى ف بيت أهلك بالراحة
اللى مش حتلاقى زيها بعد الزواج و مسئولياته
يا بنتى حتشيلى بيت لوحدك
غسيل و تنضيف و واحد عايز أكل و بعد شوية نونو يعيط
انتهزى الفرصة و اتدلعى ع ماماتك شوية
صحيح بالليل لما تخشى تنامى
بتبقى الوحدة صعبة
و الحاجة النفسية لمن يشاركك ف حياتك بتزداد يوما بعد يوم
دى الطبيعة البشرية ان كل طرف بيحتاج للاخر
و لكن ان مع العسر يسرا
و تذكرى
ان لذات الدنيا لا يعرف مذاقها الا بالحرمان
و مش حتعرفى طعم الحاجة المسكرة
الا لما تدوقى الحادق الأول
و لما يجى نصيبك حتنسى كل حاجة ان شاء الله
و كل المشاعر اللى جواكى ديه حيحصل عليها اللى يستحقك
و حتفرحى و حتسعدى اخر سعادة ان شاء الله
ما تفكريش كتير و ركزى ف الدعاء
بس اللى ما يشكيش بعد كده من الجواز و مسئولياته
و يقول أى
