بمناسبة الصيف .. اللي بدأ بدري مع البنات
نزلت من كام يوم أحد المولات .. ولقيت العرى بين المسلمات وغير المسلمات انتشر أسرع من انتشار النار في القش
ربنا يستر نسائنا وبناتنا جميعا ويهديهم للحق ويرزقهم الحياء والعفة والستر والتقوى والخشية منه والخوف من عذابه
* * *
10/10
====
(1)
هل يكشف حجابك جزء من جسدك كالرقبة أو الأذن أو الساق ؟
(2)
هل يشف عما تحته ؟
(3)
هل ملابسك ضيقة فتصف وتبرز تفصيل أي جزء من جسدك كالصدر أو الوسط أو الساق ؟
(4)
هل تضعين عطرًا أثناء خروجك من بيتك ؟
(5)
هل تضعين مكياجا للفت انتباه الناس وإعجابهم بك ؟
(6)
هل خلعت حجابك في حفلة أو زفاف .. أو تنوين فعل ذلك في فرحك في المستقبل ؟؟؟
إذا كانت إجابتك جميعًا (( لا )) فحجابك بإذن الله 10/10
* * *
على فكرة أنا مبقولش للبنات البسوا أي كلام ، ولبس مبهدل ومجرر على الأرض وخلاص !!ا
في لبس كتييييير جدا شيك ومحترم
لا ضيق
ولا بيصف شكل جسمها
ولا بيظهر أي جزء من جسمها
بشوف بنات كتيييييييير جدًا وشيك جدًا وملتزمين في حجابهم
بشكل محترم وجميل وبسيط وشيك
لكن كلمة (موضة العصر) وكلمة (ده العادي دلوقتي) وكلمة (أصل نفسي أعمل كده) بتحلل حرام كتير وبتضيع مننا الجنة
... فكري معايا
لو حصل و واحدة ماشية في الشارع أو قاعدة مع أصحابها
وكان ساعتها قدر الله لها بالموت ؛ وأرسل إليها ملك الموت
Slim وهي ماشية بالبنطلون الموضة العجيب الـ
وبدي أو قميص يصف شكل جسمها من فوق بالتفصيل
وطرحة بتظهر الشعر ولونه أكتر مما تستره
أو
الجيب القصيرة (وساعات بتبقى فوق الرُكبة)
وتحتها بنطلون أو كلون استرتش
وطبعا مش محتاجة أوصف البادي
وطبعا فوق كل ده حتة قماشة يُطلق عليها طرحة
أو غيرها من الموضة العجيبة
تفتكري البنت دي هاتقابل ربنا بأي وش ؟
هاتقوله إيه يوم ما تقف قدامه ويسألها : لبستي كده ليه وأنا أمرتك بالستر ؟
هاتتحجج وهاتتحججي بإيه في عرض مفاتنك لكل شخص غريب لاثارة اعجابه واهتمامه بقوامك وجمالك ؟
ماتنسيش إن المرء يبعث بما مات عليه
ساعتها لا (الموضة) هاتنفعك
ولا كلمة (عادي) هاتنجيكي
وساعتها (نفسك) هاتندم وقت لا ينفع الندم فيه
ها ... هاتقوليله إيه ؟؟
: طيب سؤال تاني
حتة القماش اللى فوق شعرك بتداري بيها إيه بالظبط ؟
اعتقد إن ملهاش لازمة بعد اللبس ده إلا إنها مظهر يؤكد إنك مسلمة
وعارفة إن الحجاب (فرض) فلبستيه (على شرط الموضة) !!!ا
* * *
حاجة تانية أهم وأخطر وأكثر إثما لإن في بنات بيلتزموا في لبسهم .. لكن بيكبروا دماغهم في دي بالذات
البرفيوم وابداعاته
قال رسول الله صلى الله عليه وسلم : ( أيما امرأة استعطرت فمرت على قوم فيجدوا ريحها فهي زانية ) / ((حديث صحيح)) - رواه أبو داود والترمذي والألباني
اتقوا الله يا مسلمات .. اتقوا الله وماتتحججوش بالحر وريحة الناس
وأوف وياي وأصل الريحة خفيفة مش باينة
ودي نضافة يعني امشي مقرفة ؟
وحجج تانية كتير وكل واحدة بتلاقي حجة تتحجج بيها
النظافة مش بريحة جذابة تشد الانتباه !!!ا
اللي عايزة تبقى نضيفة هاتبقى نضيفة
مش البرفيوم اللي هايخليها نضيفة !!ا
الحديث صحيح ... وكل واحد هايشيل ذنبه ومش هاينفعه مبرراته وحججه يوم الحساب
هو سؤال واحد .... هاتقولي لربنا ايه يوم ما يسألك : عملتي كده ليه ؟؟
يَا أَيُّهَا الَّذِينَ آمَنُوا : أَطِيعُوا اللَّهَ وَرَسُولَهُ وَلَا تَوَلَّوْا عَنْهُ وَأَنْتُمْ تَسْمَعُونَ
وَلَا تَكُونُوا كَالَّذِينَ قَالُوا : سَمِعْنَا وَهُمْ لَا يَسْمَعُونَ
إِنَّ شَرَّ الدَّوَابِّ عِنْدَ اللَّهِ الصُّمُّ الْبُكْمُ الَّذِينَ لَا يَعْقِلُونَ
* * *
لأ يا أنساتي أسفة
الإسلام .. هو الإستسلام لرب العالمين
الإستسلام لجميع أوامره والابتعاد عن نواهيه
والحجاب مش حتة قماش بتداري بيها شوية شعر
مع إظهار القُصّة ولون الصبغة وباقي الجسم !!ا
يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاء وَاللَّهُ سَمِيعٌ عَلِيمٌ
* * *
ادعوا الله دائما ان يرزقكم هداه والبصيرة الصحيحة
اللهم أرنا الحق حقًا وارزقنا اتباعه وارنا الباطل باطلا وارزقنا اجتنابه
اللهم أصلح حال المسلمين والمسلمات جميعا يا رب العالمين
وردهم إلى دين الحق ردا صحيحًا جميلاً
