[منطق الأخوة الوهمي]
إنتي بتصاحبي ولاد.. شباب يعني علشان إنتي شيفاهم أخواتك، صح؟
وإنت بتصاحب بنات علشان دول زي أخواتك، صح؟
وإنتي بتكلميهم في التليفونات عادي وبتهزروا هزار بريء
وكده سوا علشان هما أخواتك
وإنت بتقابلها وبتخرجوا سوا
ويمكن معاكم مجموعة تانية من البنات والولاداصحابك
وجايز بتتكلموا في مواضيع شخصية ما انتم زي الاخوات
ولما بتسلمي على اصحابك في الشغل
مفيش مانع من بوسة اخوية على الخد
وإنت عادي يعني ممكن تقفوا تهرزوا مع بعض
وتقوم لامسها كده بإيدك قال إيه يعني بتهرجوا سوا
طيب إنتي شايفة لما بتتكلمي مع الولد ده
اللي إنتي مصحباه واللي يعرف ادق تفاصيل حياتك
علشان إنتي واخداه زي اخوكي
وهتقوليلي إن نيتك ونيته سليمة وكله بيحصل في النور
وإحنا مابنشيلش لبعض من جوه إلا محبة اخ لأخته
طيب وبعدين؟!
اللي بتعمليه ده صح ولأ؟
!
يعني هل يجوز شرعًا إن يكون ليكي اصحاب ولاد؟
!
وهل نقدر نقول عليكم زي الاخوات وحلال كلامك معاه وخروجك؟
!
لو إنتي عندك إجابات للأسئلة دي قوليلي
ولو معندكيش إسمحيلي استفزك شويه
اخوكي إزاي؟ يعني منين اخوكي
!!!
ماشي إحنا كلنا على بعضنا كده إخوات في الإسلام..
مقدرش اخبي النقطة دي
بس هل ده بيدينا الحق مثلا إننا كبنات
نقعد مع اخواننا الولاد في الاسلام بدون حجاب..ما هو أخوكي
هل ده يدينا الحق إننا كبنات نقعد مع اخواننا في الاسلام في شقة لوحدنا.. ما هو اخوكي
بمنتهى الوعي.. الرد لأ
أخوة في الإسلام حاجة وأخوكي إبن أبوكي ومامتك حاجة تانية
فمعلش.. سامحيني يعني
بلاش تضحكي عليا وعلى الناس وتقولي إحنا زي الاخوات
لأ إنتم مش اخوات
يعني كلامك معاه وخروجك وسلامك عليه والبوسة ديا
وسيبينا من البوسة علشان في ناس هتقولي إحنا مش بنعمل كده
لأ في ناس بتعمل كده
المهم كل اللي بتعمليه معاه إسمه تجاااااااااااااااااااااوز لحدود الله
تعدييييييييييييييييييييييي
يعني إنتي وهو اصحاب في الحرامبلاش نسمي الحرام والمنكرات بأسماء لطيفة
علشان ده مش بيقلل قدره من إنه حرام
متقوليش أصحاب عادي يعني
او علاقة بريئة
او علاقة في النور
او اخوات ومفيش بيننا حاجة وبيخاف عليا زي اخته
او ماهو بابا وماما واخويا يعرفوا والموضوع مش عليه إعتراض
كل المسميات = ضلالة
سمي زي ما إنتي عايزا
الذنب مكتوب مكتوب في كتاب اعمالك
محتاجكم بس تفكروا بمنطق الإسلام
مش بمنطق الأخوة الوهمي
بلاش نمشي مع التيار..البنات والولاد بيصاحبوا يبقى نعم للصحوبية
لا و ألف لا للصحوبية
لا وألف لا للمعصية
شوفي وإقرأي دينك بيقولك إيه قبل ما تبرري صحوبيتك
ولو كلامي غلط صححيلي
ولو الصحوبية حلال وزي الأخوات وكده هاتيلي الادلة علشان اقتنع
قولي بسم الله
الآية دي من سورة المائدة،تفسيرها واضح إنه حرام إن الواحد يتخذ صديق له من الجنس التاني
((مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ ))
لما بتشوفي صحبك ده، وانت لما بتشوف صحباتك البنات
مش بتبصوا لبعض وكده
ولا عينيكم طول الوقت بتبقى على الارض؟
بتتبادلوا النظر طبعًا.. بصوا ولو كمان كانت كل النظراااااااااات دي بحسن نية
فكلام ربي سيف على رقبتي
(قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون(30) وقل للمؤمنات يغضضن من أبصارهن).
وسيدنا محمد عليه الصلاة والسلام قال لسيدنا على رضي الله عنه
(يا عليّ لا تتبع النظرة النظرة فإنما لك الأولى وليست لك الآخرة).
حلو الكلام لحد كده
الرسول عليه الصلاة والسلام قال (ما تركت بعدى فتنة هي أضر على الرجال من النساء) رواه البخاري ومسلم
فإزاي بقى نقعد الفاتن مع المفتون
إزاي نخليهم صحاب ويكلموا سوا ويخرجوا ويهزروا
إزاي نحلل يبقوا اخوات سوا عادي وفي فتنة الرسول حذرنا منها!!
وأرجوكي متقوليش إن الموضوع مش كده بينكم ومفيش بينكم حاجة
ونيتكم صافية وحسن النية وربنا رب قلوب
إنتي بشر وهو بشر وانا بشر...
الفتنة بين البشر تحصل حتى لو كنت شيخ جامع
ده مش يعصمك من الفتنة
لإنك لو مرعيتش حدود الله اللي قولنا عليها.. هتفتتن
اخر كلامي سيبونا من اللي فات
اللي حصل حصل
إبدأوا من جديد
بس المرة دي حطوا شرع الله وحدوده ودامكم
^_^ وإنتي إياكي تقوليلي إنكم زي الاخوات تاني
بحبكن في الله
